അഹമ്മദാബാദ്: ഗുജറാത്തില് അഞ്ച് വര്ഷത്തിനിടെ 40,000 സ്ത്രീകളെ കാണാതായെന്ന് റിപ്പോര്ട്ടുകള്. ദേശീയ ക്രൈം റെക്കോര്ഡ്സ് ബ്യൂറോ ആണ് കണക്കുകള് പുറത്തുവിട്ടത്. 2016 മുതല് 2020 വരെ അഞ്ച് വര്ഷത്തിനിടയില് ആകെ 41,621 സ്ത്രീകളെ കാണാതായി എന്ന് എന്സിആര്ബിയുടെ കണക്കുകള് പറയുന്നു. 2021-ല് സര്ക്കാര് നിയമസഭയില് നല്കിയ കണക്ക് പ്രകാരം 2019-20 വര്ഷത്തില് അഹമ്മദാബാദിലും വഡോദരയിലുമായി 4722 സ്ത്രീകളെ കാണാതായതായി അറിയിച്ചിരുന്നു. അതിന് മുമ്പുള്ള അഞ്ച് വര്ഷത്തെ കണക്കാണ് എസിആര്ബി പുറത്ത് വിട്ടിരിക്കുന്നത്ത്.
കാണാതായ സ്ത്രീകളില് പലരെയും മറ്റു സംസ്ഥാനങ്ങളിലേക്ക് നിര്ബന്ധിത ലൈംഗികവൃത്തിക്ക് കയറ്റിയയ്ക്കപ്പെടുകയാണെന്ന് മുന് ഐപിഎസ് ഉദ്യോഗസ്ഥനും ഗുജറാത്ത് സംസ്ഥാന മനുഷ്യാവകാശ കമ്മീഷന് അംഗവുമായ സുധീര് സിന്ഹ പറയുന്നു.
