ദില്ലി : കൊവിഡ് വ്യാപനം വര്ധിച്ച സാഹചര്യത്തില് ബ്രിട്ടീഷ് പ്രധാനമന്ത്രി ബോറിസ് ജോണ്സന്റെ ഇന്ത്യാ സന്ദര്ശന പരിപാടി മാറ്റിവെച്ചു. ഏപ്രില് 26നാണ് ബോറിസ് ജോണ്സന് ഇന്ത്യയില് എത്തുമെന്ന് അറിയിച്ചിരുന്നത്. ഇദ്ദേഹം നരേന്ദ്ര മോദിയുമായി കൂടിക്കാഴ്ച നടത്തുമെന്നും പറഞ്ഞിരുന്നു.
ഇന്ത്യ-യുകെ ഉഭയകക്ഷി ചർച്ചയും ഇന്ത്യൻ വ്യവസായികളുമായുള്ള കൂടിക്കാഴ്ചയുമാണ് പ്രധാന പരിപാടിയായി നിശ്ചയിച്ചിരുന്നത്. യൂറോപ്യൻ യൂണിയനിൽ നിന്ന് പുറത്തു വന്നതിനു ശേഷമുള്ള ബ്രിട്ടീഷ് പ്രധാന മന്ത്രിയുടെ ആദ്യ സന്ദർശനമായിരുന്നു ഇത്. കൊവിഡ് വ്യാപനം രൂക്ഷമാകുന്ന സാഹചര്യത്തില് ബ്രിട്ടീഷ് പ്രധാനമന്ത്രിയുടെ ഇന്ത്യാ സന്ദര്ശനം ഇനി എന്നുണ്ടാകുമെന്ന കാര്യം അനിശ്ചിതത്വത്തിലാണ്.
