കണ്ണൂര് : പാര്ട്ടിയിലോ, സര്ക്കാരിലോ നേതാക്കളുടെ മക്കള് അനധികൃതമായി ഇടപെടുന്നുവെന്നത് ശരിയല്ലെന്ന് സിപിഎം സംസ്ഥാന കമ്മറ്റിയംഗം പി.ജയരാജന്. എല്.ഡി.എഫ്. സര്ക്കാര് അധികാരത്തില് വന്നതു മുതല് സി.പി.എം. സംസ്ഥാന സെക്രട്ടറി കോടിയേരി ബാലകൃഷ്ണന്, മന്ത്രി ഇ.പി. ജയരാജന് തുടങ്ങിയ ചില നേതാക്കളുടെ മക്കളുടെ വ്യാപാരബന്ധങ്ങളെക്കുറിച്ച് വിവാദങ്ങള് ഉണ്ടായതിനെ കുറിച്ച് ഒരു മാധ്യമത്തിനു നല്കിയ അഭിമുഖത്തില് പ്രതികരിക്കുകയായിരുന്നു അദ്ദേഹം.
നേതാക്കന്മാരുടെ മക്കളുടെ ഭാഗത്തു നിന്നും അത്തരം ഇടപെടലുകള് ഉണ്ടെങ്കില് പാര്ട്ടി പരിശോധിക്കും. നേതാക്കളുടെ മക്കള് ചെയ്യുന്ന തെറ്റ് ചുമക്കേണ്ട ഉത്തരവാദിത്വം പാര്ട്ടിക്കില്ലെന്നും അദ്ദേഹം കൂട്ടിച്ചേര്ത്തു. പ്രവര്ത്തകരും നേതാക്കളും ചെയ്യുന്ന കാര്യത്തിനു മാത്രമേ പാര്ട്ടിക്ക് പ്രതികരിക്കേണ്ട ഉത്തരവാദിത്വമുള്ളൂ. കുടുംബം ചെയ്യുന്ന തെറ്റ് വിശദീകരിക്കേണ്ട ബാധ്യത പാര്ട്ടിക്കില്ല. ഇനി ആരുടെയെങ്കിലും മക്കള് തെറ്റുചെയ്തിട്ടുണ്ടെങ്കില് അവരെ ഒരു തരത്തിലും പാര്ട്ടി സംരക്ഷിക്കില്ലെന്നും പി. ജയരാജന് ഉറച്ചു പറയുന്നു.
