തിരുവനന്തപുരം: എംഎല്എ ആയിരുന്നപ്പോള് കെപിസിസി പ്രസിഡന്റ് സുധാകരന് ആര്എസ്എസ് പ്രതികള്ക്ക് വേണ്ടി പരോള് അപേക്ഷ നല്കിയിട്ടുണ്ടെന്ന് കണ്ണൂര് ജില്ലാ സെക്രട്ടറിയും സംസ്ഥാന കമ്മിറ്റിയംഗവുമായ പി.ജയരാജന്. തിരഞ്ഞെടുപ്പില് കോണ്ഗ്രസ് സ്ഥാനാര്ത്ഥിയായി മത്സരിച്ചപ്പോള് മുഴുവനും ആര്എസ്എസിന്റെ വോട്ട് സുധാകരന് കിട്ടിയെന്നും കെപിസിസി പ്രസിഡന്റ് ബഡായി രാമനാണെന്നും ജയരാജന് പറഞ്ഞു.
സിപിഎമ്മിന്റെ മുഖ്യ ശത്രു ആര്എസ്എസാണെന്ന് അദ്ദേഹം പറഞ്ഞു. കണ്ണൂരില് കോണ്ഗ്രസുകാരെ ആര്എസ്എസുകാര് കൊന്നിട്ടില്ലെന്നാണ് സുധാകരന് പറയുന്നത്. എന്നാല് ചോയഞ്ചേരി രാജീവനെയും സത്യനെയും സുധാകരന് മറന്നതാണോ? ആര്എസ്എസിനെ പ്രീണിപ്പിക്കാനാണ് സുധാകരന് ശ്രമിക്കുന്നത്. കോണ്ഗ്രസിനകത്തെ ചിന്താശേഷിയുള്ളവര് ഇക്കാര്യം ഗൗരവമായി പരിശോധിക്കണമെന്നും പി. ജയരാജന് പറഞ്ഞു.