കളമശേരി : ഭരണഘടനാ നിര്മാണസഭയില് സ്ത്രീകള് ശ്രദ്ധേയമായ പ്രകടനം കാഴ്ചവെച്ചിട്ടുണ്ടെന്നും അതിന് ദാക്ഷായണി വേലായുധന് മുന്നിലുണ്ടായിരുന്നെന്നും നിയമമന്ത്രി പി രാജീവ് പറഞ്ഞു. അവരുടെ സംഭാവനകള് കാത്തുസൂക്ഷിക്കുന്നതില് കേരളസമൂഹം പരാജയപ്പെട്ടു. ഭരണഘടനാ നിര്മാണസഭയിലേക്ക് തെരഞ്ഞെടുത്ത ദളിത് വനിതയാണ് അവര് എന്നതുപോലും പാര്ലമെന്റില് പലര്ക്കും പുതിയ അറിവായിരുന്നു. നുവാല്സ് സംഘടിപ്പിച്ച ദാക്ഷായണി വേലായുധന് അനുസ്മരണസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
