ശ്രീനാരായണ ദാർശനിക പഠന ക്ലാസ് നടന്നു

പത്തനംതിട്ട : എസ്.എൻ.ഡി.പി യോഗം പത്തനംതിട്ട യൂണിയന്റെ നേതൃത്വത്തിൽ ശ്രീനാരായണ ദാർശനിക പഠന ക്‌ളാസ് നടന്നു. യൂണിയൻ പ്രസിഡണ്ട് കെ.പത്മകുമാർ ഉദ്ഘാടനം ചെയ്തു. ദൈവദശകത്തെ അടിസ്ഥാനമാക്കി വൈക്കം മുരളി ക്ലാസ് നയിച്ചു. യുണിയൻ സെക്രട്ടറി ഡി.അനിൽകുമാർ, യോഗം അസിസ്റ്റന്റ് സെക്രട്ടറി ടി.പി.സുന്ദരേശൻ, യൂണിയൻ കൗൺസിലർ പി.സലിംകുമാർ, മൈക്രോ ഫൈനാൻസ് യൂണിയൻ കോ ഓർഡിനേറ്റർ കെ.ആർ. സലീലനാഥ്‌, വനിതാ സംഘം യൂണിയൻ സെക്രട്ടറി സരള പുരുഷോത്തമൻ എന്നിവർ പങ്കെടുത്തു. ശ്രീനാരായണ ദർശനത്തേയും ഗുരുദേവകൃതികളെയും അടിസ്ഥാനമാക്കി എല്ലാ മാസവും യൂണിയൻ കോൺഫ്രസ് ഹാളിൽ ശ്രീനാരയണ ദാർശനിക പഠന ക്ലാസുകൾ യൂണിയന്റെ നേതൃത്വത്തിൽ നടത്തപ്പെടുന്നു.