ന്യൂഡല്ഹി : യുക്രെയ്നില് കുടുങ്ങിയ വിദ്യാര്ത്ഥികളെ തിരികെയെത്തിക്കുന്നതിനുള്ള തിരക്കിലാണ് ഇന്ത്യ. ഇതിനായി ഓപ്പറേഷന് ഗംഗ എന്ന പേരില് രക്ഷാദൗത്യവും ആരംഭിച്ചു കഴിഞ്ഞു. എയര് ഇന്ത്യ വിമാനത്തിലാണ് വിദ്യാര്ത്ഥികള് ഇന്ത്യയിലെത്തുന്നത്. എന്നാല് യുക്രെയ്നില് നിന്നെത്തുന്ന ഇന്ത്യന് വിമാനങ്ങള്ക്കായി വ്യോമാതിര്ത്തി തുറന്ന് നല്കുകയാണ് പാകിസ്താന്. യുക്രെയ്നിലെ ഗുരുതരമായ സാഹചര്യം കണക്കിലെടുത്ത് എല്ലാവരും പരസ്പരം സഹായിക്കുകയാണെന്ന് പൈലറ്റുമാര് പറയുന്നു. ഒപ്പം മോദി സര്ക്കാരിന്റെ ശക്തമായ സമ്മര്ദ്ദവുമുണ്ട്. റൊമാനിയ, ഹംഗറി വഴിയാണ് ഇന്ത്യന് വിദ്യാര്ത്ഥികളെ ഇന്ത്യയിലെത്തിക്കുന്നത്. റൊമാനിയയിലെ ബുക്കാറെസ്റ്റില് നിന്ന് 240, 198 യാത്രക്കാരുമായി രണ്ട് എയര് ഇന്ത്യ വിമാനങ്ങള് ഞായറാഴ്ച ഡല്ഹിയിലെത്തി. ഈ വിമാനങ്ങള് പ്രത്യേക ചാര്ട്ടേഡ് ഫ്ലൈറ്റുകളായാണ് സര്വീസ് നടത്തിയത്.
