കണ്ണൂര് : പാലത്തായി പീഡനക്കേസില് പോക്സോ ചുമത്താത്തതില് വിവിധ സംഘടനകളുടെ നേതൃത്വത്തില് വ്യാപക പ്രതിഷേധം. കേസില് ബി.ജെ.പി, സി.പി.എം ഒത്തുകളി അവസാനിപ്പിക്കുക, പോക്സോ ചുമത്തുക തുടങ്ങിയ ആവശ്യങ്ങള് ഉന്നയിച്ച് കെ.എസ്.യു കണ്ണൂര് ബ്ലോക്ക് കമ്മിറ്റിയുടെ ആഭിമുഖ്യത്തില് കളക്ടറേറ്റിന് മുന്നില് നില്പ് സമരം നടത്തി. പ്രതിഷേധ പരിപാടി യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് റിജില് മാക്കുറ്റി ഉദ്ഘാടനം ചെയ്തു. ബ്ലോക്ക് പ്രസിഡന്റ് മുഹമ്മദ് റിബിന് അധ്യക്ഷത വഹിച്ചു.
