ആറന്മുള : പുതുക്കുളങ്ങര പള്ളിയോടത്തില്ക്കയറി ഫോട്ടോ ഷൂട്ട് നടത്തിയ നവമാധ്യമ താരത്തിനെതിരേ വ്യാപക പ്രതിഷേധം. ചാലക്കുടി സ്വദേശിനി നിമിഷയ്ക്കെതിരേ നിയമനടപടി സ്വീകരിക്കുമെന്ന് പള്ളിയോട സേവാസംഘം പ്രസിഡന്റ് കെ.എസ്.രാജന്, സെക്രട്ടറി പാര്ഥസാരഥി ആര്.പിള്ള എന്നിവര് വ്യക്തമാക്കി.
പള്ളിയോടങ്ങളില് സ്ത്രീകള് കയറാന് പാടില്ലെന്നാണ്. ഇവര് ചെരിപ്പിട്ടാണ് കയറിയതും. വ്രതശുദ്ധിയോടെയാണ് പുരുഷന്മാര് പള്ളിയോടത്തില് കയറുന്നത്. പള്ളിയോടങ്ങളെല്ലാം നദിതീരത്തോട് ചേര്ന്ന് പള്ളിയോടപ്പുരകളിലാണ് സൂക്ഷിക്കുന്നത്. ഇവിടെപ്പോലും ആരും പാദരക്ഷ ഉപയോഗിക്കില്ല. മാത്രമല്ല, ഓരോ പള്ളിയോടവും അതാത് പള്ളിയോടക്കരയുടെ ഉടമസ്ഥതയിലുള്ളതാണ്.