പമ്പ ഡാം തുറന്നതു കൊണ്ട് ആശങ്കപ്പെടേണ്ട സാഹചര്യമില്ലെന്ന് കെ എസ് ഇ ബി 

പത്തനംതിട്ട : കനത്ത മഴയിൽ ജലനിരപ്പ് ഉയർന്നതിനെ തുടർന്ന് പമ്പ അണക്കെട്ടിൻ്റെ ഷട്ടറുകൾ തുറന്ന സാഹചര്യത്തിൽ ആശങ്കപ്പെടേണ്ട സാഹചര്യമില്ലെന്ന് കെഎസ്ഇബി.

ഡാം തുറന്നതിനാൽ പരമാവധി മുൻകരുതൽ ജില്ലാ ഭരണകൂടം സ്വീകരിച്ചിട്ടുണ്ട്. അതിനാൽ ആശങ്കപ്പെടേണ്ട  സാഹചര്യമില്ലെന്നും അധികൃതരുടെ നിർദ്ദേശങ്ങൾ പാലിക്കണമെന്നും  കെഎസ്ഇബി അറിയിച്ചു. പമ്പ ഡാം ചെറിയ ഡാം കൂടിയായതിനാൽ കാര്യമായ പ്രശ്‌നങ്ങളൊന്നും ഉണ്ടാകില്ലെന്നും കെഎസ്ഇബി വ്യക്തമാക്കി.