ചിറ്റാര് : പത്തനംതിട്ട പമ്പാവാലി വട്ടപ്പാറയില് ഉരുള്പൊട്ടല്. സമീപത്തെ വീടുകളിലേക്ക് വെള്ളംകയറി. മേമുറിയില് അരവിന്ദാക്ഷന്റെ വീടിന്റെ സംരക്ഷണ ഭിത്തി തകര്ന്നു. 10 അടി താഴ്ചയിലേക്കാണ് വീടിന്റെ അടിത്തറയോട് ചേര്ന്ന സംരക്ഷണ ഭിത്തി ഇടിഞ്ഞു വീണത്. പുലരി ഹോട്ടലിലേക്കും വെള്ളം കയറി.
സമീപത്തെ ഹാളില് സിപിഐഎം ലോക്കല് സമ്മേളനം നടന്നുകൊണ്ടിരിക്കെയാണ് ഉരുള്പൊട്ടല്. ഹാളില് വെള്ളവും മണലും കയറിയതിനെ തുടര്ന്ന് ആളുകള് ഇറങ്ങി രക്ഷപ്പെട്ടു. വ്യാഴാഴ്ച ഉച്ചയ്ക്ക് 3.30 നാണ് സംഭവം. വട്ടപ്പാറയില് മുകള് ഭാഗത്താണ് ഉരുള് പൊട്ടിയത്.