പന്തളം: പബ്ലിക് ലൈബ്രറി ബാലവേദിയുടെ ആഭിമുഖ്യത്തിൽ എസ്.എസ്.എൽ.സി, പ്ലസ് ടു പരീക്ഷകളിൽ വിജയിച്ച വിദ്യാര്ഥികളെ ആദരിച്ചു. പന്തളം നഗരസഭ വൈസ് ചെയർമാൻ കെ.മണിക്കുട്ടൻ യോഗം ഉദ്ഘാടനം ചെയ്തു. ലൈബ്രററി പ്രസിഡന്റ് അഡ്വ.എസ്.കെ വിക്രമൻ ഉണ്ണിത്താൻ അധ്യക്ഷത വഹിച്ചു. ലൈബ്രറി കൗൺസിൽ താലൂക്ക് എക്സിക്യൂട്ടീവ് അംഗം തെങ്ങമം ഗോപകുമാർ വിജയികൾക്ക് മൊമെന്റോ വിതരണം ചെയ്തു. മാധവ് വി.നായർ, തീർത്ഥ എ., അനിരുദ്ധൻ പി.എം., അർജുൻ എസ്., ഗൗരിനന്ദ എം., ഷാരോൺ ഷാജി ബേബി എന്നിവർ ആദരവ് ഏറ്റുവാങ്ങി.
വായനക്കളരിയിൽ ബാലവേദിയംഗങ്ങളായ കുട്ടികളുടെ രചനകൾ ഉൾപ്പെടുത്തി തയ്യാറാക്കിയ കയ്യെഴുത്തുമാസിക ‘എഴുത്തരങ്ങ്’ ലൈബ്രറി പ്രസിഡന്റിന് നൽകി തെങ്ങമം ഗോപകുമാർ പ്രകാശനം ചെയ്തു. സെക്രട്ടറി പി.ജി.രാജൻബാബു, പ്രൊഫ.വി.രമാദേവി, കെ.എൻ.ജി.നായർ, ആർ.സന്തോഷ്, ബാലവേദി പ്രസിഡന്റ് എസ്.അർജുൻ, സെക്രട്ടറി എം.ഗൗരിനന്ദ എന്നിവർ പ്രസംഗിച്ചു.
