പാലക്കാട് : വടക്കഞ്ചേരി-മണ്ണുത്തി ആറുവരിപ്പാതയിലെ പന്നിയങ്കര ടോള് പ്ലാസയില് ടോള് നിരക്ക് ഉയര്ത്താന് തീരുമാനം. ബസുകളുടെ ടോള്നിരക്ക് 310, 465 എന്ന തോതിലാകും. കാര്, ജീപ് തുടങ്ങിയ ലൈറ്റ് മോടോര് വെഹികിള് സിംഗിള് യാത്രയ്ക്ക് 100 രൂപയും റിട്ടെന് ഉള്പെടെ 150 രൂപയുമാകും. രണ്ട് ദിവസത്തിനുള്ളില് പുതുക്കിയ നിരക്ക് നടപ്പാക്കുമെന്ന് കരാര് കംപനി അറിയിച്ചു.
കരാര് കംപനി ടോള് നിരക്ക് കുറച്ചതിനെതിരെ നല്കിയ അപീലില് കംപനിയ്ക്ക് ഉത്തരവ് അനുകൂലമായി വന്നതിന്റെ സാഹചര്യത്തിലാണ് പുതിയ നടപടി. കാര്, ജീപ് തുടങ്ങിയ ലൈറ്റ് മോടോര് വെഹികിള് സിംഗിള് യാത്രയ്ക്ക് 90 രൂപയും റിടന് ഉള്പെടെ 135 രൂപയുമാണ് മുന്പ് ഈടാക്കിയിരുന്നത്. ബസുകള്ക്ക് ഒരുവശത്തേക്കുള്ള യാത്രയ്ക്ക് 280 രൂപയും റിടന് ഉള്പെടെ 425 രൂപയുമാണ് ഇപ്പോള് വാങ്ങി വരുന്നത്. അമിത ടോള് ഈടാക്കുന്നുവെന്നാരോപിച്ച് ബസുകള് അനിശ്ചിതകാല പണിമുടക്ക് നടത്തിയിരുന്നു.