ചെന്നൈ: മലങ്കര ഓർത്തഡോക്സ് സഭയുടെ ഉടമസ്ഥതയിലുള്ള പരുമല ആശുപത്രിക്കെതിരെ ഡോ.കെ.എം ചെറിയാനും ഫസ്റ്റ് സ്റ്റെപ് വെഞ്ചെഴ്സ് ലിമിറ്റഡും നല്കിയ ഹര്ജികളും കേസുകളും ചെന്നൈയിലെ നാഷണൽ കമ്പിനി ട്രൈബ്യൂണൽ ഡിവിഷൻ ബെഞ്ച് തള്ളി.
2020 ൽ പരുമല ആശുപത്രിയുമായുള്ള കരാര് ഡോ.കെ.എം ചെറിയാന് അവസാനിപ്പിച്ചിരുന്നു. എന്നാൽ First Step Ventures Limited എന്ന കമ്പിനി ഡോ.കെ.എം ചെറിയാനുമായി ബന്ധപ്പെട്ട് പരുമല ആശുപത്രിക്കെതിരായി കേസുകൾ നൽകുകയായിരുന്നു. ഇതാണ് ഡിവിഷൻ ബെഞ്ച് തള്ളിയത്. ഇത് കൂടാതെ ഡോ.കെ.എം ചെറിയാന് നൽകിയ ഹർജികളും തള്ളിയിരുന്നു. കോടതി ഉത്തരവ് അനുസരിച്ച് ഹർജിക്കാരുടെ കൈവശം വെച്ചിരിക്കുന്ന കെട്ടിടങ്ങളും അനുബന്ധ സംവിധാനങ്ങളും ആശുപത്രിക്ക് കൈമാറേണ്ടതും വാടക ഇനത്തിലും മറ്റും നല്കുവാനുള്ള തുക ഏകദേശം രണ്ടുക്കോടി രൂപാ പരുമല ആശുപത്രിക്ക് നൽക്കേണ്ടതുമാണ്.
