കോന്നിയില്‍ കെഎസ്ആര്‍ടിസിയുടെ പുറകില്‍ സ്വകാര്യ ബസ് ഇടിച്ച് യാത്രക്കാര്‍ക്ക് പരുക്ക്

കോന്നി : കോന്നിയില്‍ കെ എസ് ആര്‍ ടി സി ബസിന് പുറകില്‍ സ്വകാര്യ ബസ് ഇടിച്ച് ആറ് യാത്രക്കാര്‍ക്ക് പരുക്ക്. കോന്നി പൂവന്‍പാറയില്‍ രാവിലെ ആണ് സംഭവം നടന്നത്. കൂടല്‍ സ്വദേശികളായ തങ്കമ്മ(61), സാറാമ്മ(70), കുമ്പഴ സ്വദേശി രാധാകൃഷ്ണന്‍(50), കലഞ്ഞൂര്‍ സ്വദേശി ശാന്ത(55), വനിതാ സിവില്‍ പോലീസ് ഓഫീസര്‍ ഷൈലജ(46), വനംവകുപ്പ് ജീവനക്കാരന്‍ പൂതങ്കര സ്വദേശി സതീഷ്(46) എന്നിവര്‍ക്കാണ് പരുക്കേറ്റത്‌. ശാന്തമ്മ, തങ്കമ്മ എന്നിവരെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു.