അമ്പലപ്പുഴ: കൂടിയ വിലക്കും വില രേഖപ്പെടുത്താതെയും വില്പ്പന നടത്തിയ സിഗററ്റുകള് പരിശോധനയില് പിടികൂടി. ലീഗല് മെട്രോളജി ഫ്ലൈയിംഗ് സ്ക്വാഡ് ഡെപ്യൂട്ടി കണ്ട്രോളര് എന്.സി സന്തോഷിന്റെ നേതൃത്വത്തിലുള്ള സംഘമാണ് ജില്ലയുടെ വിവിധ ഭാഗങ്ങളില് നടത്തിയ പരിശോധനയില് സിഗററ്റുകള് പിടിച്ചെടുത്തത്. ജമ്മു കാശ്മീരില് മാത്രം വില്ക്കാന് അനുമതി നല്കിയിട്ടുള്ള 49 രൂപ വിലയുള്ള സിഗററ്റ് കവറിന് പുറത്ത് 80 രൂപയുടെ സ്റ്റിക്കര് പതിച്ച് വില്പ്പന നടത്തുന്നതായും വില രേഖപ്പെടുത്താത്ത വിദേശ സിഗററ്റ് 400 രൂപക്ക് വരെ വില്പ്പന നടത്തുന്നതും കണ്ടെത്തി.
ഈ കടയുടമകള്ക്കെതിരെ നിയമ നടപടി സ്വീകരിച്ചു. നാല്പതോളം കടകളില് നടത്തിയ പരിശോധനയില് കട ഉടമകളില് നിന്ന് ഇതുവരെ രണ്ടര ലക്ഷം രൂപ പിഴ ഈടാക്കിയതായും പരിശോധക സംഘം അറിയിച്ചു. സിഗററ്റ് വില്പ്പനക്കെതിരെ വ്യാപക പരാതി ഉയര്ന്ന സാഹചര്യത്തിലാണ് പരിശോധന നടത്തിയത്. പരിശോധനകള് കൂടുതല് കര്ശനമാക്കുമെന്ന് ഉദ്യോഗസ്ഥര് അറിയിച്ചു.
