പെരുമ്പെട്ടി : ചാലാപ്പള്ളി– കോട്ടാങ്ങൽ റോഡിൽ കൊടുംവളവിൽ അപകട ഭീഷണി. പഴയ ആശുപത്രിപടി വളവിലാണ് ഈ സ്ഥിതി ഒരുഭാഗത്ത് 20 അടിയിൽ അധികം താഴ്ചയുണ്ട്. ഇവിടെ പാതയോരത്ത് പാർശ്വഭിത്തി നിർമിച്ചിട്ടില്ല എന്നത് അപകട സാധ്യത വർധിപ്പിച്ചിരിക്കുകയാണ്. എതിർ ഭാഗത്തുനിന്ന് വരുന്ന വാഹനങ്ങൾ തൊട്ടടുത്ത് എത്തിയാൽ മാത്രമേ കാണുവാൻ സാധിക്കുകയുള്ളൂ. നവീകരണത്തെത്തുടർന്നു റോഡിന്റെ ഇരുവശങ്ങളിലും കോൺക്രീറ്റ് കൂടി വിരിച്ചതോടെ വാഹനങ്ങൾ ശരവേഗത്തിലാണ് കടന്നുവരുന്നത്. അടിയന്തരമായി ഇവിടെ സംരക്ഷണഭിത്തിയും ഇടിതാങ്ങിയും സ്ഥാപിക്കണമെന്നാണ് നാട്ടുകാരുടെ ആവശ്യം.
