കോന്നി: കേന്ദ്ര-സംസ്ഥാന ഗവൺമെൻറുകളുടെ ജനദ്രോഹ നടപടികളിൽ പ്രതിക്ഷേധിച്ചുകൊണ്ടും സ്വർണ്ണ കള്ളകടത്തിൽ കളങ്കിതമായ ഗവൺമെൻ്റിന് നേതൃത്വം കൊടുക്കുന്ന മുഖ്യമന്ത്രി പിണറായി വിജയൻ രാജിവെയ്ക്കണമെന്ന് ആവശ്യപ്പെട്ടുകൊണ്ടും KPCC നിർദ്ദേശപ്രകാരം കോന്നി മഠത്തിൽക്കാവ് വാർഡ് കോൺഗ്രസ് കമ്മിറ്റിയുടെ നേത്യത്വത്തിൽ വഞ്ചാനാ ദിനം ആചരിച്ചു.
സമരത്തിൻ്റെ ഭാഗമായി നടത്തിയ സത്യാഗ്രഹ സമരം കോൺഗ്രസ് മണ്ഡലം പ്രസിഡൻറ് ശ്രീ റോജി ഏബ്രഹാം ഉത്ഘാടനം ചെയ്തു. കോൺഗ്രസ് ബ്ലോക്ക് വൈസ് പ്രസിഡൻ്റ് ശ്യാം എസ് കോന്നി അധ്യക്ഷത വഹിച്ചു.
IUML ജില്ലാ സെക്രട്ടറി അബ്ദുൾ മുത്തലീഫ്, ഗ്രാമപഞ്ചായത്ത് വൈസ് പ്രസിഡൻറ് പ്രവീൺ പ്ലാവിളയിൽ, INTUC ജില്ലാ സെക്രട്ടറി മോഹനൻ മുല്ലപ്പറമ്പിൽ, കർഷക കോൺഗ്രസ് മണ്ഡലം പ്രസിഡൻറ് രവീന്ദ്രനാഥ് നീരേറ്റ്, പ്രദീപ്കുമാർ, സൈജു പൂവൻപാറ, വിജയൻ പിള്ള, സൂരജ് ആർ, ബ്ലെസൻ തുടങ്ങിയവർ സംസാരിച്ചു.
