പത്തനംതിട്ട : ജില്ലാ വ്യവസായകേന്ദ്രവും പത്തനംതിട്ട കുടുംബശ്രീ യൂണിറ്റുകളും hommey ഗ്രൂപ്പും ചേർന്ന് സംഘടിപ്പിച്ച പത്തനംതിട്ട ഓണം ഫെസ്റ്റ് ഒക്ടോബർ 9 വരെ നീട്ടി. പത്തനംതിട്ട ശബരിമല ഇടത്താവളം ഗ്രൗണ്ടിൽ നടക്കുന്ന ഫെസ്റ്റില് വന് ജനത്തിരക്കാണ് അനുഭവപ്പെടുന്നത്. ഇന്ത്യയിലും വിദേശത്തു നിന്നുള്ള പൂക്കളുടെയും ചെടികളുടെയും അതിമനോഹരമായി ഒരുക്കിയിരിക്കുന്ന ഫ്ലവർഷോ ആണ് ഫെസ്റ്റില് ആദ്യം കാണുന്നത്.
ദൈവം പ്രകൃതിക്ക് നൽകിയ അത്ഭുത ജീവികളെ പ്രദർശിപ്പിക്കുന്ന പെറ്റ്സ് ഷോയാണ് പിന്നീട്. കിളികളുടെ കളകളാരവവും ഓമന മൃഗങ്ങളുടെയും പക്ഷികളുടെയും സൗന്ദര്യവും ആരെയും ആകര്ഷിക്കും. കുടുംബശ്രീ യൂണിറ്റുകളുടെയും പത്തനംതിട്ട വ്യവസായ കേന്ദ്രത്തിന്റെയും അതി വിശാലമായ സ്റ്റാളുകളാണ് പിന്നീടുള്ളത്. ഓഫറുകളുടെ പൂക്കാലമാണ് ഇവിടെ. ഫർണിച്ചർ തുടങ്ങി ലൈഫ് സ്റ്റൈൽ ഉത്പന്നങ്ങളും വീട് മോടിപിടിപ്പിക്കാനാവശ്യമായതെല്ലാം ഇവിടെയുണ്ട്.
ഷോപ്പിഗ് കഴിഞ്ഞ് പുറത്തിറങ്ങിയാൽ പ്രിയപ്പെട്ട വിഭവങ്ങൾ ഒരുക്കിയ വിശാലമായ ഫുഡ് കോർട്ട് ആണ് നിങ്ങളെ സ്വീകരിക്കുന്നത്. കൂടാതെ കുട്ടികളുടെ ശാരീരിക മനസികോല്ലാസത്തിന് അമ്യുസ്മെന്റ് റൈഡുകളുടെ ഒരു നിരതന്നെ ഇവിടെ ഒരുക്കിയിട്ടുണ്ട്. രാവിലെ 11 മണി മുതലാണ് ഫെസ്റ്റിലേക്ക് പ്രവേശനം.
