കണ്ണൂര് : ബെംഗളൂരുവില് നിന്നെത്തിയ യശ്വന്ത്പുര് – കണ്ണൂര് എക്സ് പ്രസില് നിന്ന് മാരക മയക്കു മരുന്നായ എം.ഡി.എം.എ. പിടികൂടി. 678 ഗ്രാം എം.ഡി.എം.എയാണ് പിടിച്ചെടുത്തത്. തീവണ്ടിയ്ക്കുള്ളില് ഏഴ് പാക്കറ്റുകളിലായി ഉപേക്ഷിച്ച നിലയില് റെയില്വേ സംരക്ഷണസേന മയക്കുമരുന്ന് കണ്ടെടുക്കുകയായിരുന്നു. പിടികൂടിയ എം.ഡി.എം.എ. മയക്കുമരുന്നിന് വിപണിയില് ഒന്നരക്കോടിയോളം രൂപ വിലവരുമെന്നാണ് നിഗമനം. സംഭവത്തില് അന്വേഷണം ആരംഭിച്ചിട്ടുണ്ട്. കഴിഞ്ഞദിവസം ന്യൂഡല്ഹിയില്നിന്ന് രാജധാനി എക്സ് പ്രസില് കണ്ണൂരിലെത്തിയ യാത്രക്കാരനില്നിന്ന് എം.ഡി.എം.എ. പിടികൂടിയിരുന്നു.
