തിരുവനന്തപുരം : സര്ക്കാര് – ഗവര്ണര് പോരില് മുഖ്യമന്ത്രിക്ക് പിന്തുണയുമായി എന്സിപി. ഗവര്ണര് മുഖ്യമന്ത്രിക്ക് വഴങ്ങി എന്ന കാനം രാജേന്ദ്രന്റെ പ്രസ്താവന അടിസ്ഥാന രഹിതമാണെന്ന് എന്സിപി സംസ്ഥാന പ്രസിഡന്റ് പി സി ചാക്കോ വ്യക്തമാക്കി. ഗവര്ണറുമായി മുഖ്യമന്ത്രി കൂടിക്കാഴ്ച്ച നടത്തിയത് മാതൃകാപരമെന്നും പി.സി ചാക്കോ ചൂണ്ടിക്കാട്ടി. സര്ക്കാരിന്റെ തീരുമാനങ്ങള് ഗവര്ണറോട് വിശദീകരിക്കുന്നതില് തെറ്റില്ല. ഗവര്ണറെ വെല്ലുവിളിച്ചു പോകേണ്ടതല്ല സര്ക്കാരിന്റെ നയമെന്നും അദ്ദേഹം പറഞ്ഞു. കൂടാതെ ഗവര്ണറുടെ നയ പ്രഖ്യാപന പ്രസംഗതത്തിന് മേലുള്ള നന്ദി പ്രമേയ ചര്ച്ച ഇന്ന് രാവിലെ നിയമസഭയില് തുടങ്ങും. നന്ദിപ്രമേയ ചര്ച്ചയില് പ്രതിപക്ഷം പങ്കെടുക്കും.
ഗവര്ണര്ക്കെതിരായ വിമര്ശനം പ്രതിപക്ഷം കൊണ്ടുവന്നേക്കും. മൂന്നു ദിവസമാണ് ചര്ച്ച. ഗവര്ണറേയും സര്ക്കാരിനെയും ഒരു പോലെ കടന്നാക്രമിക്കാന് ആണ് പ്രതിപക്ഷ തീരുമാനം. ഗവര്ണറും സര്ക്കാരും തമ്മില് ഒത്തു കളിക്കുക ആണെന്നും ബിജെപി ഇട നില നില്ക്കുന്നുവെന്നും പ്രതിപക്ഷം സഭയിലും ആരോപിക്കും. ലോകയുക്ത ഓര്ഡിനന്സില് ഒപ്പിട്ടതും, ഹരി എസ് കര്ത്തയുടെ നിയമനവും നയ പ്രഖ്യാപന പ്രസംഗത്തില് ഒപ്പിടാന് പൊതു ഭരണ സെക്രട്ടറിയെ മാറ്റിയതും പ്രതിപക്ഷം ഉന്നയിക്കും.
