കോട്ടയം : നടിയെ ആക്രമിച്ച കേസുമായി ബന്ധപ്പെട്ട് ഇന്നലെ ഷോണ് ജോര്ജിന്റെ വീട്ടില് ക്രൈംബ്രാഞ്ച് റെയ്ഡ് നടത്തിയിരുന്നു. ഇതിന് പിന്നാലെ പിണറായിക്കെതിരെ പൂഞ്ഞാര് മുന് എംഎല്എയും ജനപക്ഷം നേതാവുമായ പിസി ജോര്ജ് രംഗത്തെത്തിയിരുന്നു. പിണറായിക്കെതിരെ പറയാനുള്ളത് മുഴുവന് പറയുമെന്നാണു പി.സി ജോര്ജ് പറഞ്ഞിരുന്നത്. പിണറായിക്കെതിരെ തന്റെ കൈവശം തെളിവുണ്ടെന്നും അത് കോടതിയില് സമര്പ്പിക്കുമെന്നും പി.സി ജോര്ജ് പറഞ്ഞിരുന്നു. ഇപ്പോള് മുഖ്യമന്ത്രിക്കും കുടുംബത്തിനുമെതിരെ ആരോപണവുമായി രംഗത്തെത്തിയിരിക്കുകയാണ് പി.സി ജോര്ജ്.
പിണറായി മുഖ്യമന്ത്രിയായ ശേഷം ഐടി വകുപ്പില് കോടികളുടെ അഴിമതിയാണ് നടക്കുന്നതെന്നും ടെക്നോ പാര്ക്കിലെ ഡൗണ് ടൗണ് പ്രോജക്റ്റിലും മസാല ബോണ്ടിലും നടക്കുന്നതും വന് അഴിമതിയാണെന്നും ശിവശങ്കറിനും ഫാരിസ് അബൂബക്കറിനും വീണ വിജയനും ടെക്നോ പാര്ക്ക് അഴിമതിയില് പങ്കുണ്ടെന്നും ഫാരിസ് അബൂബക്കര് പൊതുമരാമത്ത് മന്ത്രി പി.എ മുഹമ്മദ് റിയാസിന്റെ അമ്മാവനാണെന്നും പി.സി ജോര്ജ് ആരോപിച്ചു.