പത്തനംതിട്ട : അബാന് മേല്പ്പാല നിര്മ്മാണവുമായി ബന്ധപ്പെട്ട് അബാന് ജംഗ്ഷനില് കാല്നട യാത്ര പോലും ദുഷ്കരമായി. അബാന് ജംഗ്ഷന് മറികടക്കാന് നിര്മ്മാണം നടക്കുന്ന മേല്പാലത്തിനടിയിലൂടെ അപകട യാത്ര നടത്തുകയാണ് കാല്നടയാത്രികര്. സ്പാനുകള്ക്ക് ബലം കൊടുക്കാന് സ്ഥാപിച്ചിരിക്കുന്ന ഇരുമ്പ് തൂണുകള്ക്ക് ഇടയിലൂടെ കഷ്ടിച്ച് ഒരാള്ക്ക് മാത്രം കടക്കാവുന്ന വിടവില് കൂടിയാണ് ആളുകള് അങ്ങോട്ടും ഇങ്ങോട്ടും കടന്നുപോകുന്നത്. മുകളില് നിന്നും കോണ്ക്രീറ്റ് ഭാഗങ്ങളും ഇരുമ്പ് കമ്പികളും വീണാല് താഴെ കൂടി നടന്നു പോകുന്നവരുടെ തലയിലോ ശരീരത്തിലോ ആവും വീഴുക.
അബാന് ജംഗ്ഷനിലെ ഗതാഗതം വഴി തിരിച്ചു വിട്ടതോടെ യാത്രക്കാര് വലയുകയാണ്. ടൌണ് സ്ക്വയറിന് സമീപം റോഡ് തകര്ച്ച നേരിട്ടതോടെ കാല് നടയാത്രയും വാഹനയാത്രയും ഒരുപോലെ ദുഷ്കരമാണ്. ഈ സാഹചര്യത്തില് ആളുകള്ക്ക് നടന്നുപോകാന് ഇടമില്ലാതെ വന്നതോടെ മേല്പ്പാലത്തിനടിയില് കൂടി ആളുകള് വഴി കണ്ടെത്തുകയായിരുന്നു. ആളുകള് സ്ഥിരമായി നടന്നുപോകുന്നതിനാല് ഇത് ഒരു വഴിയായി രൂപപ്പെടുകയും ചെയ്തു.
