ന്യൂഡല്ഹി : ട്രാഫിക് നിയമലംഘനം നടന്നാല് 15 ദിവസത്തിനകം വാഹനയാത്രക്കാര്ക്കു നോട്ടീസ് നല്കണമെന്ന് കേന്ദ്ര ഉപരിതല ഗതാഗത മന്ത്രാലയം പുറത്തിറക്കിയ വിജ്ഞാപനത്തില് പറയുന്നു. കൂടാതെ കേസ് തീരുന്നതുവരെ ഇലക്ട്രോണിക് തെളിവുകള് ബന്ധപ്പെട്ടവര് സൂക്ഷിക്കണമെന്നും, ട്രാഫിക് നിയമ ലംഘനങ്ങള് കണ്ടെത്തുന്നതിനുള്ള നിരീക്ഷണം ശക്തമാക്കണമെന്നും മന്ത്രാലയം ഓര്മപ്പെടുത്തി.
ഗതാഗത നിരീക്ഷണത്തിനും റോഡ് സുരക്ഷ ഉറപ്പാക്കാനും സ്പീഡ് കാമറ അടക്കം അത്യാധുനിക ഇലക്ട്രോണിക് സംവിധാനങ്ങള് ഉപയോഗിക്കണമെന്നും, ഇലക്ട്രോണിക് സംവിധാനം ഉപയോഗിച്ച് വാഹന നിയമം ലംഘിക്കുന്നവര്ക്ക് നോട്ടീസ് നല്കണമെന്നും മോട്ടോര് വാഹന നിയമ ഭേദഗതി അനുസരിച്ച് ഇറക്കിയ വിജ്ഞാപനത്തില് പറയുന്നു.