കോട്ടയം : തിരുവനന്തപുരം-കാസര്കോട് സെമി ഹൈസ്പീഡ് റെയില്വേ പദ്ധതിക്കായി (സില്വര് ലൈന്) സ്ഥലമേറ്റെടുക്കാന് റവന്യൂ വകുപ്പ് ഉത്തരവിറക്കിയതോടെ പ്രതിഷേധം ശക്തമാക്കാന് കെ റെയില് സില്വര്ലൈന് ജനകീയ വിരുദ്ധസമിതി. സര്ക്കാര് തീരുമാനത്തില് പ്രതിഷേധിച്ച് തിരുവോണത്തിന് ഉപവാസം നടത്തുമെന്ന് സമരസമിതി അറിയിച്ചു. വീടുകള് കേന്ദ്രീകരിച്ച് നടക്കുന്ന സമരത്തിന്റെ ഭാഗമായി സ്ഥലമെടുപ്പുമായി ബന്ധപ്പെട്ട റവന്യൂ ഉത്തരവ് കത്തിക്കും.
വന്തോതില് ഭൂമി ഏറ്റെടുത്ത പദ്ധതി ആയിരക്കണക്കിന് കുടുംബങ്ങളെ വഴിയാധാരമാക്കും. പാരിസ്ഥിതിക്കും ഏറെ ദോഷം ചെയ്യും. നടപടികളില് സുതാര്യതയില്ലെന്നും സമിതി കുറ്റപ്പെടുത്തുന്നു. തുടര്ദിവസങ്ങളില് മറ്റ് പ്രക്ഷോഭങ്ങളിലേക്ക് കടക്കുമെന്ന് സമിതി സംസ്ഥാനകമ്മിറ്റിയംഗം ചാക്കോച്ചന് മണലേല് പറഞ്ഞു. പദ്ധതിക്കെതിരെ നിയമനടപടികള് തുടരുകയാണ്. പാത കടന്നുപോകുന്ന സ്ഥലങ്ങളിലെല്ലാം പ്രതിഷേധം ശക്തമാണെന്നും അദ്ദേഹം പറഞ്ഞു.
