കൊല്ലം : കൊല്ലം അഞ്ചലില്‍ ക്ലാസ് മുറിയില്‍ വിദ്യാര്‍ഥിയുടെ ബാഗില്‍നിന്ന് അത്തര്‍കുപ്പി തറയില്‍ വീണ് പൊട്ടിയതിനെതുടര്‍ന്ന് രൂക്ഷഗന്ധം ശ്വസിച്ച വിദ്യാര്‍ഥിനികള്‍ക്ക് ദേഹാസ്വാസ്ഥ്യം.
അഞ്ചല്‍ ഈസ്റ്റ് ഗവ. സ്കൂളിലെ പത്താംതരത്തിലെ അഞ്ച് വിദ്യാര്‍ഥിനികള്‍ക്കാണ് ശ്വാസതടസ്സവും തലകറക്കവുമുണ്ടായത്. അധ്യാപകരുടെ നേതൃത്വത്തില്‍ ഉടന്‍തന്നെ കുട്ടികളെ തൊട്ടടുത്ത സി.എച്ച്‌.സിയിലെത്തിച്ച്‌ ചികിത്സ നല്‍കി. വെള്ളിയാഴ്ച രാവിലെ പതിനൊന്നോടെയാണ് സംഭവം. ബാഗില്‍നിന്ന് പുസ്തകം എടുക്കുന്നതിനിടെ അത്തര്‍ കുപ്പി അബദ്ധത്തില്‍ തറയില്‍ വീണ് പൊട്ടിയപ്പോഴുണ്ടായ രൂക്ഷഗന്ധം ശ്വസിച്ചതുമൂലമാണ് കുട്ടികള്‍ക്ക് ദേഹാസ്വാസ്ഥ്യമുണ്ടായത് എന്നാണ് വിവരം.
