പെരുനാട്: റാന്നി പെരുനാട് പഞ്ചായത്തിലെ വിവിധ എസ്.എൻ.ഡി.പി ശാഖകളുടെ കൂട്ടായ്മയായ പെരുനാട് സംയുക്ത സമിതിയുടെ വാർഷിക പൊതുയോഗവും പുതിയ ഭരണസമിതിയിലേക്കുള്ള തെരഞ്ഞെടുപ്പും നടന്നു. മാടമൺ ശാഖാ ഓഡിറ്റോറിയത്തിൽ നടന്ന യോഗം റാന്നി യൂണിയൻ ശാഖാ കൂട്ടായ്മ ചെയർമാൻ വി.കെ. വാസുദേവൻ ഉദ്ഘാടനം ചെയ്തു. റാന്നി എസ്.എൻ.ഡി.പി യൂണിയൻ അഡ്മിനിസ്ട്രേറ്റർ അഡ്വ. മണ്ണടി മോഹനൻ അധ്യക്ഷത വഹിച്ചു.
സമിതി സെക്രട്ടറി എ.എൻ.വിദ്യാധരൻ, പ്രമോദ് വാഴാംകുഴിയിൽ, സമിതി വൈസ് പ്രസിഡന്റ് സോമരാജൻ അരയ്ക്കനാലിൽ, ശാഖാ പ്രസിഡന്റ്മാരായ സുരേഷ് കുമാര് പി.ഡി, വിലാസചന്ദ്രൻ പെരുനാട്, സുരേന്ദ്രൻ ളാഹ, ബാലൻ മുക്കം, സമിതി കൗൺസിലർമാരായ രാജു വാഴവിളയിൽ, സുരേഷ് മുക്കം, ഓമന ചേക്കോട്ട് എന്നിവർ പ്രസംഗിച്ചു. പുതിയ ഭാരവാഹികളായി പ്രമോദ് വാഴാംകുഴിയിൽ (പ്രസിഡന്റ്), സോമരാജൻ അരയ്ക്കനാലിൽ (വൈസ് പ്രസിഡന്റ്), ദീപു കണ്ണന്നുമൺ (സെക്രട്ടറി), എ.എൻ. വിദ്യാധരൻ (ജോയിന്റ് സെക്രട്ടറി) എന്നിവരെ തെരഞ്ഞെടുത്തു.
