തിരുവനന്തപുരം : രണ്ടേകാല്‍ ലക്ഷം രൂപ വിലയുള്ള വളര്‍ത്തുപക്ഷികളെ മോഷ്ടിച്ച കേസില്‍ മൂന്നുപേരെ പോലീസ് പിടികൂടി. കരമന നെടുങ്കാടുള്ള വീട്ടിലെ കാര്‍ഷെഡില്‍ കിളിക്കൂടുകളില്‍ സൂക്ഷിച്ചിരുന്ന പക്ഷികളെയാണ് ഇവര്‍ മോഷ്ടിച്ചത്. കീഴാറന്നൂര്‍ സ്വദേശികളായ ശരത് (32), രജീഷ് (21), സൂരജ് (19) എന്നിവരെയാണ് കരമന പപോലീസ് അറസ്റ്റ് ചെയ്തത്.
ഡിസംബര്‍ 10 നാണ് സംഭവം നടന്നത്. നെടുങ്കാട് സ്വദേശി വെങ്കിടഗിരിയുടെ വീട്ടില്‍നിന്നാണ് ‘സണ്‍ കൊണൂര്‍’ ഇനത്തില്‍പ്പെട്ട വിലപിടിപ്പുള്ള എട്ട് അലങ്കാരപ്പക്ഷികളെ പ്രതികള്‍ മോഷ്ടിച്ചത്. ഉടമ നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് കരമന എസ് എച്ച്‌ ഒ ചന്ദ്രബാബു. എസ് ഐ പ്രതീഷ് കുമാര്‍, സിപിഒ വിനോദ് എന്നിവരടങ്ങുന്ന സംഘം പ്രതികളെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
