തൃശൂർ : നടത്തറ ചേരുംകുഴിയിലെ സിപിഎം ബ്രാഞ്ച് ഓഫീസിന് നേരെ പെട്രോൾ ബോംബ് ആക്രമണം. ഇന്നലെ രാത്രി പത്തരയോടെ ബൈക്കിലെത്തിയ രണ്ടംഗ സംഘമാണ് ആക്രമണം നടത്തിയത്. ഓഫീസിന് മുന്നിലുണ്ടായിരുന്ന പാർട്ടി നേതാക്കളുടെ ഫോട്ടോകൾക്ക് സമീപത്തേക്കാണ് പെട്രോൾ ബോംബ് എറിഞ്ഞത്. ആക്രമണത്തിൽ ഓഫീസിന്റെ മുൻവശത്ത് കേടുപാടുകൾ സംഭവിച്ചിട്ടുണ്ട്. പ്രദേശത്തെ ലഹരി മാഫിയ സംഘത്തെ സിപിഎം പ്രവർത്തകർ ചോദ്യം ചെയ്തതാണ് ആക്രമണത്തിന് കാരണമെന്ന് പാർട്ടി നേതൃത്വം ആരോപിക്കുന്നു. പ്രതികൾ എത്തിയ ബൈക്കിന്റെ നമ്പർ ഉൾപ്പെടെയുള്ള വിവരങ്ങൾ പോലീസിന് ലഭിച്ചിട്ടുണ്ട്. സമാധാനാന്തരീക്ഷം തകർക്കാൻ ശ്രമിക്കുന്ന ക്രിമിനൽ സംഘങ്ങൾക്കെതിരെ ശക്തമായ പ്രതിഷേധം സംഘടിപ്പിക്കുമെന്ന് സിപിഎം ജില്ലാ നേതൃത്വം അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
