ന്യൂഡല്ഹി : രാജ്യത്ത് വീണ്ടും ഇന്ധന വില വര്ധിപ്പിച്ചു. പെട്രോളിന് 31 പൈസയും ഡീസലിന് 34 പൈസയുമാണ് വര്ധിപ്പിച്ചത്. കൊച്ചിയില് പെട്രോള് ലിറ്ററിന് 90 രൂപ 36 പൈസയും ഡീസലിന് 85 രൂപ 01 പൈസയുമാണ് വില. തിരുവനന്തപുരത്ത് പെട്രോളിന് 92 രൂപ 07 പൈസയും ഡീസലിന് 86 രൂപ 60 പൈസയുമായി.
തുടര്ച്ചയായ പതിനൊന്നാം ദിവസമാണ് ഇന്ധന വില വര്ധിപ്പിക്കുന്നത്. ഈ മാസം മാത്രം പെട്രോളിന് 3.83 രൂപയും ഡീസലിന് 4.26 രൂപയുമാണ് വര്ധിച്ചത്. വരും ദിവസങ്ങളിലും പെട്രോളിന്റെയും ഡീസലിന്റെയും വില വര്ധിക്കുമെന്നാണ് വിവരങ്ങള്. ക്രൂഡ് ഓയിലിന്റെ വില വര്ധിക്കുന്നതാണ് ഇന്ധനവില വര്ധനവിന് പ്രധാന കാരണം പറയുന്നത് .