കൊച്ചി: പിഎഫ്ഐ നേതാവ് അബ്ദുള് സത്താറിനെ കസ്റ്റഡിയില് വാങ്ങാന് എന്ഐഎ ഇന്ന് അപേക്ഷ സമര്പ്പിക്കും. തീവ്രവാദകേസില് അറസ്റ്റിലായി ജയിലില് കഴിയുകയാണ് പോപ്പുലര് ഫ്രണ്ട് സംസ്ഥാന ജനറല് സെക്രട്ടറി അബ്ദുല് സത്താര്. കൊച്ചി പ്രത്യേക എന്ഐഎ കോടതിയില് അന്വേഷണസംഘം ഇന്ന് കസ്റ്റഡി അപേക്ഷ നല്കും. ഏഴ് ദിവസത്തേക്ക് കസ്റ്റഡി ആവശ്യപ്പെടാനാണ് തീരുമാനം.
കൊച്ചിയില് രജിസ്റ്റര് ചെയ്ത കേസില് മൂന്നാം പ്രതിയാണ് അബ്ദുള് സത്താര്. രാജ്യവിരുദ്ധ പ്രവര്ത്തനങ്ങള്ക്ക് ഗൂഢാലോചന നടത്തിയതിലും സമൂഹമാധ്യമങ്ങള്വഴി തീവ്രവാദ സംഘടനകളിലേക്ക് യുവാക്കളെ ചേര്ത്തതില് അബ്ദുള് സത്താറിന് പങ്കുണ്ടെന്നുമാണ് എന്ഐഎ കണ്ടെത്തല്. കേസില് നേരത്തെ അറസ്റ്റിലായ പതിനൊന്ന് പേരെ എന്ഐഎ കസ്റ്റഡിയില് ചോദ്യം ചെയ്തിരുന്നു. കേസിലെ പന്ത്രണ്ടാംപ്രതി പോപ്പുലര് ഫ്രണ്ട് സംസ്ഥാന സെക്രട്ടറി സി എ റൗഫിനെ തണ്ടെത്താന് എന്ഐഎയ്ക്ക് സാധിച്ചിട്ടില്ല.
