തിരുവനന്തപുരം : സംസ്ഥാനത്തെ മെഡിക്കല് കോളേജുകളിലെ പിജി ഡോക്ടര്മാരുടെ സമരം ഭാഗികമായി പിന്വലിച്ചു. അത്യാഹിത വിഭാഗങ്ങളില് തിരികെ ഡ്യൂട്ടിക്ക് കയറി. രാവിലെ എട്ടുമണി മുതലാണ് ഡോക്ടര്മാര് അവശ്യ സര്വീസുകളില് ജോലിക്ക് കയറിത്തുടങ്ങിയത്. കടുത്ത രീതിയിലുള്ള സമരം പിന്വലിക്കുന്നുവെന്ന് ഡോക്ടര്മാര് അറിയിച്ചു. അതേസമയം ഒപി, വാര്ഡ് ബഹിഷ്കരണം തുടരുകയാണ്. ആരോഗ്യമന്ത്രി വീണാ ജോര്ജുമായി ഡോക്ടര്മാര് ഇന്നലെ ചര്ച്ച നടത്തിയിരുന്നു.
സര്ക്കാര് സമീപനം അനുകൂലമായിരുന്നെന്ന് സമരക്കാര് വ്യക്തമാക്കി. ജോലിഭാരം കുറയ്ക്കാന് നിലവിലുള്ള സീനിയര് ഡോക്ടര്മാരെ മാറ്റി ജൂനിയര് റെസിഡന്റുമാരെ നിയമിക്കാമെന്ന് ആരോഗ്യമന്ത്രി ഡോക്ടര്മാരെ അറിയിച്ചിരുന്നു. കൂടാതെ സ്റ്റൈപെന്ഡ് വര്ദ്ധന സംസ്ഥാനത്തെ ധനസ്ഥിതി മെച്ചപ്പെടുമ്പോള് പരിഗണിക്കാമെന്നും മന്ത്രി ഉറപ്പുനല്കിയിരുന്നു.
