ന്യൂഡല്ഹി : റെഡ്മിയുടെ സ്മാര്ട് ഫോണ് പൊട്ടിത്തെറിച്ച് യുവതിക്ക് ദാരണാന്ത്യം. ഡല്ഹിയില് നിന്നുള്ള ടെക് യൂട്യൂബറായ മന്ജീത് ആണ് ട്വിറ്ററില് തന്റെ ബന്ധു സ്മാര്ട്ട്ഫോണ് പൊട്ടിത്തെറിച്ച് മരിച്ച വിവരം പങ്കുവെച്ചത്. റെഡ്മിയുടെ 6എ എന്ന ബജറ്റ് മോഡലായിരുന്നു അവര് ഉപയോഗിച്ചിരുന്നത്.
ഉറങ്ങുമ്പോള് തലയണക്ക് അടുത്തായി വെച്ച ഫോണ് പൊട്ടിത്തെറിച്ച് യുവതി മരിക്കുകയായിരുന്നുവെന്ന് മന്ജീത് വെളിപ്പെടുത്തി. എംഡി ടോക് വൈടി എന്ന യൂട്യൂബ് ചാനലിന്റെ ട്വിറ്റര് അക്കൗണ്ടിലൂടെയാണ് മന്ജീത് സംഭവം വിശദീകരിച്ചത്. കൂടെ പൊട്ടിത്തെറിച്ച ഫോണിന്റെ ചിത്രവും മരിച്ചുകിടക്കുന്ന ബന്ധുവായ സ്ത്രീയുടെ ചിത്രവും അദ്ദേഹം പങ്കുവെച്ചു. പോസ്റ്റില് റെഡ്മി ഇന്ത്യയെയും സി.ഇ.ഒ മനുകുമാര് ജെയ്നിനെയും ടാഗ് ചെയ്യുകയും ചെയ്തിട്ടുണ്ട്.