പത്തനംതിട്ട : തിരുവല്ല കുറ്റൂരില് നഴ്സിംഗ് വിദ്യാര്ഥിയായ പത്തൊന്പതുകാരനെ വീട്ടിലെ കിടപ്പ് മുറിയില് തൂങ്ങി മരിച്ച നിലയില് കണ്ടെത്തി. ഇയാള് ഉപയോഗിച്ചിരുന്ന ഫോണ് തകരാറില് ആയതാണ് ആത്മഹത്യയിലേക്ക് നയിച്ച കാരണം എന്നാണ് പ്രാഥമിക നിഗമനം. കുറ്റൂര് തലയാര് മട്ടയ്ക്കല് വീട്ടില് അനില് ജോസിന്റെ മകന് ആരോണ് അനില് ജോസിനെയാണ് ഇക്കഴിഞ്ഞ രാത്രി 9 മണിയോടെ കിടപ്പുമുറിയില് തൂങ്ങി മരിച്ച നിലയില് കണ്ടെത്തിയത്. തമിഴ്നാട്ടിലെ നേഴ്സിംഗ് കോളേജില് ഒന്നാം വര്ഷ വിദ്യാര്ഥിയായിരുന്നു ആരോണ്. നിരന്തരമായി ഫോണ് ഉപയോഗിക്കുന്ന ശീലമുള്ള ആരോണിന്റെ ഫോണ് കഴിഞ്ഞ രണ്ട് ദിവസമായി തകരാറില് ആയിരുന്നു. തിരുവല്ല പോലീസ് സ്ഥലത്തെത്തി നടപടികള്ക്ക് ശേഷം മൃതദേഹം താലൂക്ക് ആശുപത്രി മോര്ച്ചറിയിലേക്ക് മാറ്റി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
