പത്തനംതിട്ട : പുതുതായി കുഴിച്ചു കൊണ്ടിരുന്ന കിണറിനുള്ളില് പന്നിക്കൂട്ടം. അകപ്പെട്ട പന്നികളെ വെടിവെച്ചുകൊന്നു. വകയാർ എട്ടാംകുറ്റിയില് പുവള്ളിൽ എക്സൈസ് ഓഫീസിനു സമീപം എം.ഗിരീശന് നായരുടെ കുടുംബവക സ്ഥലത്താണ് പന്നികള് എത്തിയത്. രാവിലെ കിണറിന് സമീപം പട്ടികുരക്കുന്നത് കേട്ടാണ് സമീപവാസികള് സമീപത്തെ കിണറ്റില് നോക്കിയത്. രണ്ട് വലിയ പന്നികളും ഒരു ചെറുതുമാണ് കിണറില് ഉണ്ടായിരുന്നത്. ഇതില് ഒരു പന്നി ചത്തനിലയില് ആയിരുന്നു. കോന്നി സ്ട്രൈക്കിങ് ഫോഴ്സിനെ വീട്ടുകാര് വിവരമറിയിച്ചതിനെ തുടര്ന്ന് സ്ഥലത്തെത്തിയ സ്ട്രൈക്കിങ് ഫോഴ്സ് ഉദ്യോഗസ്ഥർ ശേഷിച്ച പന്നികളെ വെടിവെച്ചു കൊന്നു. സമീപ പ്രദേശത്ത് പന്നിശല്യം കാരണം കൃഷി ചെയ്യാന് പറ്റാത്ത അവസ്ഥയാണെന്ന് പ്രദേശവാസികള് പറഞ്ഞു.
