തിരുവനന്തപുരം : ലോക വൈജ്ഞാനിക രംഗത്തെ നമ്മുടെ സമൂഹത്തിന് ഉപയോഗിക്കാനാവുന്ന വിധത്തില്‍ ഉന്നത വിദ്യാഭ്യാസ മേഖലയെ മാറ്റണമെന്നും അതിനുള്ള ചുവടുവയ്പാണ് കേരള സര്വകലാശാലയ്ക്ക് ലഭിച്ച അംഗീകാരമെന്നും മുഖ്യമന്ത്രി പിണറായി വിജയന്‍ പറഞ്ഞു. കേരള സര്‍വകലാശാലയെ അനുമോദിക്കുന്ന ചടങ്ങ് സെനറ്റ് ഹാളില്‍ ഉദ്ഘാടനം ചെയ്യുകയായിരുന്നു അദ്ദേഹം.
കേരള സര്വകലാശാലയ്ക്ക് നാകിന്റെ എ++ അംഗീകാരം ലഭിച്ച സാഹചര്യത്തില്‍ ഉന്നത വിദ്യാഭ്യാസ സ്ഥാപനങ്ങളെ അന്തര്‍ദ്ദേശീയ നിലവാരത്തിലേക്ക് ഉയര്‍ത്തുന്നതിനുള്ള നടപടികളാണ് സര്‍ക്കാര്‍ ഉദ്ദേശിക്കുന്നതെന്നും മുഖ്യമന്ത്രി പറഞ്ഞു. ഉന്നത വിദ്യാഭ്യാസ വകുപ്പിന്റെ ഉപഹാരം മുഖ്യമന്ത്രി പിണറായി വിജയന്‍ സര്‍വകലാശാല വൈസ് ചാന്‍സലര്‍ ഡോ.വി.പി. മഹാദേവന്‍ പിള്ളയ്ക്ക് നല്‍കി. മന്ത്രി ആര്‍.ബിന്ദു അദ്ധ്യക്ഷയായി. മന്ത്രിമാരായ കെ.എന്‍.ബാലഗോപാല്‍,
ജി.ആര്‍. അനില്‍, ആന്റണി രാജു, വി.കെ പ്രശാന്ത് എം.എല്‍.എ, മേയര്‍ ആര്യ രാജേന്ദ്രന്‍, ഉന്നത വിദ്യാഭ്യാസ കൗണ്‍സില്‍ ഉപാദ്ധ്യക്ഷന്‍ പ്രൊഫ.രാജന്‍ ഗുരുക്കള്‍, സെക്രട്ടറി ഡോ.രാജന്‍ വര്‍ഗീസ്, സിന്‍ഡിക്കേറ്റ് അംഗം കെ.എച്ച്‌ ബാബുജാന്‍ തുടങ്ങിയവര്‍ പങ്കെടുത്തു.
