തിരുവനന്തപുരം : തെര‍ഞ്ഞെടുപ്പ് ഫലപ്രഖ്യാപനത്തിനുശേഷം മുഖ്യമന്ത്രി പിണറായി വിജയൻ തലസ്ഥാനത്ത് തിരിച്ചെത്തി. രാവിലെ തിരുവനന്തപുരം വിമാനത്താവളത്തിലെത്തിയ മുഖ്യമന്ത്രിയെ ചീഫ് സെക്രട്ടറി വി.പി.ജോയി സ്വീകരിച്ചു.
മുഖ്യമന്ത്രിയെ തിരുവനന്തപുരത്തേക്ക് യാത്ര അയയ്ക്കാൻ പഴയ കാല സുഹൃത്തുക്കളും നാട്ടുകാരും പാർട്ടി പ്രവർത്തകരും ബന്ധുക്കളും രാവിലെ തന്നെ എത്തിയിരുന്നു. ബേപ്പൂരിൽനിന്ന് വിജയിച്ച മരുമകൻ റിയാസും പിണറായിയിൽ എത്തിയിരുന്നു. മുഖ്യമന്ത്രിയെ യാത്രയാക്കി റിയാസ് കോഴിക്കോടേക്ക് തിരിച്ചു. ഏഴു മണിയോടെ മുഖ്യമന്ത്രി പിണറായി വിജയൻ വീട്ടിൽനിന്നു കുടുംബത്തോടൊപ്പമാണ് തിരുവനന്തപുരത്തേക്കു തിരിച്ചത്. പാർട്ടി പ്രവർത്തകർ മുഖ്യമന്ത്രിയുടെ പുറകിൽ വാഹന അകമ്പടിയായി കണ്ണൂർ വിമാനത്താവളത്തിലേക്ക് യാത്ര അയയ്ക്കാൻ എത്തിയിരുന്നു.
