പത്തനംതിട്ട : ജനാധിപത്യപരമായി സമരം നടത്തുന്നവരെ ക്രൂരമായി മർദ്ദിച്ചൊതുക്കുന്ന ഫാസിസത്തിന്റെ ആൾരൂപമാണ് മുഖ്യമന്ത്രി പിണറായി വിജയനെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിൽ പറഞ്ഞു. നവകേരളാ സദസ്സുമായി ബന്ധപ്പെട്ട പോലീസ് നരനായാട്ടിനെതിരെ കെ.പി.സി.സി ആഹ്വാനമനുസരിച്ച് ബ്ലോക്ക് കോൺഗ്രസ് കമ്മിറ്റികളുടെ നേതൃത്വത്തിൽ നടത്തിയ ഫാസിസ്റ്റ് വിമോചന സദസ്സുകളുടെ ജില്ലാതല ഉദ്ഘാടനം തണ്ണിത്തോട്ടിൽ നിർവഹിച്ച് സംസാരിക്കുകയായിരുന്നു അദ്ദേഹം. സംസ്ഥാനം കടക്കെണിയിലും ജനങ്ങൾ കടുത്ത പട്ടിണിയിലുമായിരിക്കുമ്പോൾ നവകേരള സദസ്സും ആഘോഷങ്ങളും നടത്തി മുഖ്യമന്ത്രിയും മന്ത്രിമാരും ധൂർത്തിന്റേയും കെടുകാര്യസ്ഥതയുടേയും പര്യായങ്ങളായി മാറിയിരിക്കുകയാണെന്ന് ഡി.സി.സി പ്രസിഡന്റ് പറഞ്ഞു.
ബ്ലോക്ക് കോൺഗ്രസ് കമ്മിറ്റി പ്രസിസന്റ് ആർ.ദേവകുമാർ അദ്ധ്യക്ഷത വഹിച്ചു. ഡി.സി.സി ഭാരവാഹികളായ വെട്ടൂർ ജ്യോതിപ്രസാദ്, സാമുവൽ കിഴക്കുപുറം, ഡി.സി.സി അംഗങ്ങളായ പ്രൊഫ.കെ.വി തോമസ്, ജെയിംസ് കീക്കരിക്കാട്ട്, പി.കെ ഗോപി, ബ്ലോക്ക് പഞ്ചായത്ത് പ്രസിഡന്റ് എം.വി അമ്പിളി, സി.വി ശാന്തകുമാർ, ബിജു മാത്യു, ദിലീപ്കുമാർ പൊതീപ്പാട്, സണ്ണി ചള്ളക്കൽ,ജോയി തോമസ്, ജോൺ കിഴക്കേതിൽ, സണ്ണി കണ്ണംമണ്ണിൽ, എ.ബഷീർ, ഷാജി കെ.സാമുവൽ, എം.സി ഗോപാലകൃഷ്ണ അജയൻപിളള ആനിക്കനാട്ട്, ലില്ലി ബാബു, പൊന്നച്ചൻ കടമ്പാട്ട്, കെ.ആർ ഉഷ, ജോർജ്ജ് യോഹന്നാൻ, എൽ.എം മത്തായി, ബിന്ദു ജോർജ്ജ്, സലീന ഷംസുദ്ദീൻ, വിജി മോനച്ചൻ, തോമസ് ഡാനിയേൽ, എം.ഡി ജേക്കബ്, സൂസൻ തോമസ് എന്നിവർ പ്രസംഗിച്ചു.
