തിരുവനന്തപുരം : കേരളത്തിന്റെ വികസന പദ്ധതികള് ചര്ച്ച ചെയ്യുന്നതിനും പിന്തുണ ഉറപ്പാക്കുന്നതിനുമായി മുഖ്യമന്ത്രി പിണറായി വിജയന് തിങ്കളാഴ്ച ഡല്ഹിക്കു പോകും. പ്രധാനമന്ത്രി നരേന്ദ്രമോദി, ആഭ്യന്തര മന്ത്രി അമിത് ഷാ, ഉപരിതല ഗതാഗത മന്ത്രി നിതിന് ഗഡ്കരി അടക്കമുള്ള കേന്ദ്രമന്ത്രിമാരെ കാണും.
കേരളത്തില് വ്യവസായ പദ്ധതികള് തുടങ്ങാന് കഴിയാത്ത സാഹചര്യമാണെന്നു പ്രചാരണം വ്യാപകമാകുന്നതിനിടയിലാണു മുഖ്യമന്ത്രിയുടെ ഡല്ഹി സന്ദര്ശനം. തിങ്കളാഴ്ച വൈകുന്നേരത്തോടെ ഡല്ഹിക്കു പോകുന്ന മുഖ്യമന്ത്രി ചൊവ്വാഴ്ച പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. തുടര്ന്നു വിവിധ കേന്ദ്രമന്ത്രിമാരേയും കാണും. രണ്ടാം പിണറായി സര്ക്കാര് അധികാരത്തില് എത്തിയ ശേഷം ആദ്യമായാണു പ്രധാനമന്ത്രി അടക്കമുള്ളവരുമായി കൂടിക്കാഴ്ച നടത്തുന്നതെന്ന പ്രത്യേകതയുമുണ്ട്.
