തിരുവല്ല : നിയമവ്യവസ്ഥ ഉറപ്പാക്കേണ്ട പോലീസിനെ പാർട്ടിയുടെ ഇഷ്ടാനിഷ്ടങ്ങൾ നടപ്പാക്കാനുള്ള പിണിയാളുകളും ഗുണ്ടകളുമാക്കി മാറ്റിയതിന്റെ ദുരന്തഫലമാണ് പോലീസ് സ്റ്റേഷനുകളിൽ അരങ്ങു വാഴുന്ന പ്രാകൃതവും കിരാതവുമായ മർദ്ദന മുറകളെന്ന് കേരള കോൺഗ്രസ് വൈസ് ചെയർമാൻ ജോസഫ് എം. പുതുശ്ശേരി. അക്രമകാരികളും സാഡിസ്റ്റുകളുമായ പോലീസിലെ ക്രിമിനലുകളെ സംരക്ഷിക്കാനും വെള്ളപൂശാനും മുഖ്യമന്ത്രിയും പാർട്ടി നേതൃത്വവും ശ്രമിക്കുന്നത് അവരെ വഴിവിട്ട് ഉപയോഗിക്കുന്നതിന്റെ ഉപകാരസ്മരണയാണ്. പോലീസ് സേനയുടെ ഹൈരാർക്കിയും സിസ്റ്റത്തിന്റെ ക്രമീകൃത രീതികളും തകർത്ത് പുറത്തുനിന്നുള്ള ഇടപെടലും ഉപജാപക സംഘത്തിന്റെ നിയന്ത്രണവും കൂടിയായതോടെ ഈ സംരക്ഷണത്തിന്റെ അഹന്തയിൽ എന്തും ചെയ്യാൻ മടിയില്ലാത്ത ഗുണ്ടകളായി പോലീസിലെ ഒരു വിഭാഗം രൂപാന്തരപ്പെട്ടിരിക്കുകയാണെന്നും പുതുശ്ശേരി പറഞ്ഞു.
കിരാതമായ പോലീസ് അതിക്രമങ്ങൾക്കെതിരെ തിരുവല്ല ഡി.വൈ.എസ്.പി ഓഫീസിലേക്ക് കേരള കോൺഗ്രസ് നടത്തിയ മാർച്ചും ധർണയും ഉദ്ഘാടനം ചെയ്യുകയായിരുന്നു അദ്ദേഹം. പാർട്ടി നിയോജക മണ്ഡലം പ്രസിഡന്റ് രാജു പുളിമ്പള്ളിൽ അധ്യക്ഷത വഹിച്ചു. ജില്ലാ പ്രസിഡന്റ് വർഗ്ഗീസ് മാമ്മൻ, സീനിയർ ജനറൽ സെക്രട്ടറി കുഞ്ഞുകോശി പോൾ, സാം ഈപ്പൻ, വർഗീസ് ജോൺ, ഷിബു പുതുക്കേരിൽ, ജോൺസൺ കുര്യൻ, ജോസ് പഴയിടം, സക്കറിയ കരുവേലി, വി. ആർ. രാജേഷ്, ബിനു കുരുവിള, എബി വർഗീസ്, റ്റോണി കുര്യൻ, സണ്ണി മനയ്ക്കൽ, റ്റി. എം മാത്യു, വി.ജെ റെജി, ബാബു പുത്തുപ്പള്ളിൽ, വർഗീസ് കച്ചിറക്കൽ, ജിബിൻ സക്കറിയ, ജേക്കബ് ചെറിയാൻ, മാത്യു മുളമൂട്ടിൽ, കെ.സ് ഏബ്രഹാം, വർഗീസ് കച്ചിറക്കൽ, ജേക്കബ്ബ് മാത്യു, ലൈല അലക്സാണ്ടർ, സൂസമ്മ പൗലോസ്, ജോമോൻ ജേക്കബ്, സജി കുടാരത്തിൽ, ബിജു അലക്സ് എന്നിവർ പ്രസംഗിച്ചു.
