ഡാളസ്: യുഎസിലെ ഡാളസില് എയര്ഷോയ്ക്കിടെ രണ്ട് വിമാനങ്ങള് ആകാശത്ത് വെച്ച് കൂട്ടിയിടിച്ച് പൊട്ടിത്തെറിച്ചു. ഒരു ബോയിംഗ് ബി -17 ഫ്ളയിംഗ് ഫോര്ട്രസ് ബോംബറും ബെല് പി -63 കിംഗ്കോബ്ര യുദ്ധവിമാനവുമാണ് തകര്ന്നത്. രണ്ടാം ലോക മഹായുദ്ധത്തിന്റെ അനുസ്മരണത്തിന്റെ ഭാഗമായി ഡാലസ് എക്സിക്യൂട്ടീവ് എയര്പോര്ട്ടിലെ വിങ്സ് ഓവര് ഡാളസ് എയര്ഷോയിലായിരുന്നു സംഭവം. ആറ് പേര് കൊല്ലപ്പെട്ടെന്നാണ് പ്രാഥമിക നിഗമനം.
എന്നാല് രണ്ട് വിമാനങ്ങളിലും എത്ര പേര് ഉണ്ടായിരുന്നുവെന്ന് വ്യക്തമല്ലെന്ന് ഫെഡറല് ഏവിയേഷന് അഡ്മിനിസ്ട്രേഷന് അധികൃതര് പറഞ്ഞു. സംഭവത്തിന്റെ വീഡിയോ സോഷ്യല് മീഡിയയില് വ്യാപകമായി പ്രചരിക്കുന്നുണ്ട്. ഇതില് രണ്ട് വിമാനങ്ങളും കൂട്ടിയിടിക്കുകയും അല്പ്പസമയത്തിന് ശേഷം നിലത്ത് വീണ് തകരുന്നതും തീ ആളിപ്പടരുന്നതും കാണാം. അപകടത്തില് എഫ്എഎയും നാഷണല് ട്രാന്സ്പോര്ട്ടേഷന് സേഫ്റ്റി ബോര്ഡും (എന്ടിഎസ്ബി) അന്വേഷണം ആരംഭിച്ചു.
