മുംബൈ : പിന്നണി ഗായിക ജഗ്ജിത് കൗര് (93) അന്തരിച്ചു. മുംബൈയിലെ വസതിയില് വെച്ച് ഞായറാഴ്ച രാവിലെ ആറുമണിയ്ക്കായിരുന്നു അന്ത്യം. അന്തരിച്ച സംഗീത സംവിധായകന് മഹ്മൂദ് സഹുര് ഖയ്യാമിന്റെ ഭാര്യയാണ്. ജുഹു ശ്മശാനത്തില് കോവിഡ് മാനദണ്ഡങ്ങള് പാലിച്ച് സംസ്കാരം നടന്നു.
ഹിന്ദി, ഉറുദു ഭാഷകളിലായിരുന്നു ജഗ്ജിത് പ്രധാനമായും പാടിയത്. ഖാമോഷ് സിന്ദഗി കോ, തും അപ്ന രാഞ്ചോ ഖം, അപ്നി പരേഷാനി മുജേ ദേ ദോ (ഷാഗൂന്-1964), അഫ്സാന മില് ഗയ (ദില് ഇ നാദാന്-1953), പെഹലേ തോ ആങ്ക് മിലാന (ഷോല ഓര് ഷബ്നം-1961), സദാ ചിഡിയ ദാ ചമ്പ വേ (കഭി കഭി-1976), കഹേ കോ ബ്യാഹി ബൈഡ്സ് (ഉമരേ ജാന്-1981) എന്നിവയാണ് ശ്രദ്ധേയ ഗാനങ്ങള്.
