കൊല്ലം : കനാലില്‍ കുളിക്കാനിറങ്ങിയ പ്ലസ്ടു വിദ്യാര്‍ഥിക്ക് ദാരുണാന്ത്യം. കൊല്ലം അഞ്ചലിലാണ് സംഭവം. പുല്ലിച്ചിറ സ്വദേശി അക്ഷയ് (18) ആണ് കനാലില്‍ കുളിക്കുന്നതിനിടെ മുങ്ങി മരിച്ചത്. അതേസമയം അപകടത്തില്‍പ്പെട്ട മറ്റൊരു യുവാവിനെ നാട്ടുകാര്‍ രക്ഷപെടുത്തി. ഇയാളെ പുനലൂര്‍ താലൂക്ക് ആശുപത്രിയില്‍ പ്രവേശിപ്പിച്ചു . യുവാക്കള്‍ ഒരുമിച്ച്‌ കനാലില്‍ കുളിക്കുന്നതിനിടയിലാണ് അപകടമുണ്ടായത്. സംഭവത്തിന്റെ കൂടുതല്‍ വിവരങ്ങള്‍ ലഭ്യമായിട്ടില്ല.
