കാസര്ഗോഡ് : കാസര്ഗോഡ് ബേക്കല് കോട്ടയ്ക്ക് സമീപം കല്ലുമ്മക്കായ ശേഖരിക്കാനിറങ്ങിയ പ്ലസ് വണ് വിദ്യാര്ഥി അച്ഛനും സഹോദരനും നോക്കിനില്ക്കേ കടലില് മുങ്ങി മരിച്ചു. പള്ളിക്കര സ്കൂളിലെ പ്ലസ് വണ് വിദ്യാര്ഥിയും ശക്തിനഗറിലെ സുബൈറിന്റെ മകനുമായ ഷുഹൈബ്(17)ആണ് മരിച്ചത്. പിതാവിനോടും സഹോദരനുമൊപ്പം കല്ലുമ്മക്കായ ശേഖരിക്കാന് കടല്ത്തീരത്തെത്തിയതായിരുന്നു. ഇവര് നോക്കി നില്ക്കെയാണ് തിരമാലയില്പെട്ട് ഷുഹൈബിനെ കാണാതായത്. രാവിലെ ഒമ്പതോടെ കടലില് കാണാതായ ഷുഹൈബിന്റെ മൃതദേഹം 11 ഓടെയാണ് കണ്ടെത്തിയത്.
