കൊച്ചി : മുന് കെപിസിസി ജനറല് സെക്രട്ടറി പിഎം സുരേഷ് ബാബു എന്സിപിയിലേക്ക് എന്സിപി നേതാവ് പിസി ചാക്കോയുമായി പിഎം സുരേഷ് ബാബു ചര്ച്ച നടത്തി. നേതൃത്വത്തിന്റെ പ്രവൃത്തിയില് അസംതൃപ്തരായ പ്രവര്ത്തകരെയും നേതാക്കളും വരും ദിവസങ്ങളില് പാര്ട്ടി വിടുമെന്നാണ് സുരേഷ് ബാബു ഉള്പ്പെടെ പാര്ട്ടിവിട്ട കോണ്ഗ്രസ് നേതാക്കള് പറയുന്നത്.
കോണ്ഗ്രസിന് പ്രസക്തി നഷ്ടപ്പെട്ടുവെന്ന് പ്രതികരിച്ചുകൊണ്ടാണ് പിഎം സുരേഷ് ബാബു കോണ്ഗ്രസ് വിട്ടത്. പാര്ട്ടിക്കുള്ളില് നിന്നും പാര്ട്ടിയെ തിരുത്താന് താന് ശ്രമിച്ചെങ്കിലും പരാജയപ്പെട്ടുവെന്നും കോണ്ഗ്രസിന് ദേശീയതലത്തില് ദിശാബോധം നഷ്ടപ്പെട്ടുവെന്നും പ്രതികരിച്ച അദ്ദേഹം ഇടതുപക്ഷവുമായി സഹകരിക്കാന് തയ്യാറാണെന്ന് ഇന്നലെ തന്നെ സൂചനകള് നല്കിയിരുന്നു.
നേരത്തെ കോണ്ഗ്രസ് വിട്ട് എന്സിപിയില് ചേര്ന്ന പിസി ചാക്കോയുമായി പിഎം സുരേഷ്ബാബുവുമായി ചര്ച്ച നടത്തി. എന്സിപിയില് ചേര്ന്ന് ഇടതുപക്ഷവുമായി ചേര്ന്ന് പ്രവര്ത്തിക്കാന് തയ്യാറാണെന്ന് പിഎം സുരേഷ് ബാബു പ്രതികരിച്ചു. 29 ന് എന്സിപിയുടെ ദേശീയ അധ്യക്ഷന് ശരത് പവാര് കേരളത്തില് എത്തുമ്പോള് അദ്ദേഹവുമായി കൂടിക്കാഴ്ച നടത്തുമെന്നാണ് നിലവില് ലഭിക്കുന്ന വിവരം.