മാവൂര് : ഗുണ്ട നേതാവ് ടിങ്കുവിനെ പിടികൂടാന് ശ്രമത്തിനിടെ പപോലീസിനെ ആക്രമിച്ച കേസില് ഒരാള് കൂടി അറസ്റ്റില്. നായര്കുഴി ഏരിമല മണ്ണാറത്ത് കുഴിയില് പ്രഭാകരനാണ് (56) പോലീസ് വലയില് കുടുങ്ങിയത്. കഴിഞ്ഞ ദിവസം പരതപ്പൊയില് നായര്കുഴി പാലിയില് വീട്ടില് പി.രാജേഷ് (33), നായര്കുഴി പടിഞ്ഞാറെ തൊടുകയില് പി.ജയേഷ് (39), നായര്കുഴി പരതപ്പൊയില് വീട്ടില് പി. അജയ് (26) എന്നിവരെ പോലീസ് അറസ്റ്റ് ചെയ്തത്. പോലീസിനെ ആക്രമിച്ച സംഭവത്തില് 26 പേരാണ് പ്രതിപട്ടികയില് ഉള്ളത്.
മോഷണ പിടിച്ചുപറിക്കേസുമായി ബന്ധപ്പെട്ട് ടിങ്കുവിനെ പോലീസ് അന്വേഷിക്കുന്നതിനിടെയാണ് വ്യാഴാഴ്ച കെട്ടാങ്ങലിനടുത്ത് ഏരിമലയിലുള്ള വിവാഹ വീട്ടില് എത്തുന്ന വിവരം പോലീസ് അറിഞ്ഞത്. ഇവിടെ വെച്ച് പിടികൂടുന്നതിനിടെ പോലീസുകാരെ ഒരു സംഘമാളുകള് ചേര്ന്ന് മര്ദിക്കുകയായിരുന്നു.
