കൊച്ചി : ആണ്മക്കളെ കേസില് കുടുക്കാതിരിക്കാന് പോലീസ് അഞ്ചുലക്ഷം രൂപ കൈക്കൂലി ആവശ്യപ്പെട്ടെന്ന കേസില് ആരോപണ വിധേയരായ മക്കളെ വീട്ടില് കയറ്റാന് പോലീസ് സംരക്ഷണം തേടി മാതാവ് ഹൈക്കോടതിയില്. റെസിഡന്റ്സ് അസോസിയേഷന് ഭാരവാഹികള് മക്കളെ വീട്ടില് കയറ്റുന്നതിനെ എതിര്ക്കുന്നതായി ചൂണ്ടിക്കാട്ടി കേസിലെ പരാതിക്കാരിയായ ഡല്ഹി സ്വദേശിനി നല്കിയ ഹർജിയില് ജസ്റ്റിസ് അനു ശിവരാമന് സര്ക്കാറിന്റെ വിശദീകരണം തേടി.
റെസിഡന്റ്സ് അസോസിയേഷന് ഭാരവാഹികള്ക്ക് ഹർജിയില് നോട്ടീസ് നല്കാന് നിര്ദേശിച്ച കോടതി കേസ് ഏപ്രില് നാലിന് വീണ്ടും പരിഗണിക്കാന് മാറ്റി. കഴിഞ്ഞ വര്ഷം ആഗസ്റ്റ് 21ന് ഹരജിക്കാരിയുടെ രണ്ട് പെണ്മക്കള് നാടുവിട്ടപ്പോള് കണ്ടെത്താന് പോലീസ് ഇവരുടെ ചെലവില് അന്വേഷണം നടത്തിയതും ഇവരുടെ ആണ്മക്കളെ കേസില് കുടുക്കാതിരിക്കാന് പോലീസ് അഞ്ചുലക്ഷം രൂപ കൈക്കൂലി ആവശ്യപ്പെട്ടതും വിവാദമായിരുന്നു.
