ഹരിയാന: ജയിലില് കഴിയുന്ന ഗുണ്ടാത്തലവന് ലോറന്സ് ബിഷ്ണോണിയുടെ ടിവി അഭിമുഖം പഞ്ചാബില് വച്ച് നടന്നതായി സ്ഥിരീകരിച്ച് പ്രത്യേക അന്വേഷണസംഘം. പഞ്ചാബ് അതിര്ത്തിക്കുള്ളില് സിഗ്നല് ആപ് ഉപയോഗിച്ചായിരുന്നു രണ്ട് അഭിമുഖങ്ങള് നടത്തിയത്. പഞ്ചാബി ഗായകന് സിദ്ധു മൂസെവാലയെ കൊലപ്പെടുത്തിയ കേസിലെ പ്രതിയായ ബിഷ്ണോയി അഹമ്മദാബാദിലെ സബർമതി സെൻട്രൽ ജയിലിലാണ്. 2023 മാർച്ച് 14 നും മാർച്ച് 17 നുമാണ് അഭിമുഖങ്ങള് നടത്തിയത്. രണ്ട് സ്വകാര്യ ചാനലുകള്ക്കുവേണ്ടിയായിരുന്നു അഭിമുഖം. ബിഷ്ണോയി പഞ്ചാബിലെ ബതിന്ദ ജയിലിൽ ആയിരുന്നപ്പോഴാണ് ആദ്യത്തെ അഭിമുഖം നടത്തിയതെന്ന് പ്രത്യേക അന്വേഷണ സംഘത്തിന്റെ പ്രാഥമിക റിപ്പോര്ട്ടില് വ്യക്തമാക്കുന്നു. ബുധനാഴ്ചയാണ് റിപ്പോർട്ട് മുദ്രവച്ച കവറിൽ കോടതിക്ക് കൈമാറിയത്. നടപടിക്രമങ്ങൾക്കിടയിൽ, അന്വേഷണം തുടരാനും പൂർത്തിയാക്കാനും രണ്ടാമത്തെ ടിവി അഭിമുഖത്തെക്കുറിച്ചുള്ള വിശദാംശങ്ങൾ പങ്കിടാനും എസ്ഐടി കൂടുതൽ സമയം തേടി.
അഭിമുഖം നടന്ന സാഹചര്യം വിശദമായി അന്വേഷിക്കാൻ കോടതി കഴിഞ്ഞ വർഷം പ്രത്യേക അന്വേഷണ സംഘത്തെ (എസ്ഐടി) രൂപീകരിച്ചിരുന്നു. “അഭിമുഖം ജയിലിനുള്ളിൽ നടത്തിയെന്ന് പറയപ്പെടുന്നു. എന്നാൽ പഞ്ചാബ് ഡിജിപിയെ ചോദ്യം ചെയ്തപ്പോൾ, അഭിമുഖം നിയമവിരുദ്ധമാണെന്നും പഞ്ചാബിൽ അഭിമുഖം നടക്കാത്തതിനാൽ നിയമപ്രകാരം നടപടിയെടുക്കാൻ കഴിയില്ലെന്നും അദ്ദേഹം പറഞ്ഞു. എന്നാൽ സിദ്ധു മൂസെവാലയുടെ കൊലപാതകവുമായി ബന്ധപ്പെട്ട ആദ്യ അഭിമുഖം പഞ്ചാബിൽ വെച്ചായിരുന്നുവെന്നും ഇ പ്പോൾ പഞ്ചാബ് സർക്കാരിൻ്റെ വാദങ്ങളെ അവരുടെ പൊലീസ് ഉദ്യോഗസ്ഥൻ നിഷേധിച്ചിരിക്കുകയാണെന്നും പഞ്ചാബ് ഡിജി ഹ്യൂമൻ റൈറ്റ്സ് പ്രബോധ് കുമാർ പറഞ്ഞു. മൂസെവാലയുടെ ആരാധകര് നിരാശയിലാണ്” മുതിര്ന്ന അഭിഭാഷകനായ ദീപക് പറഞ്ഞു.
