ഇടുക്കി : സ്ത്രീയെ നടുറോഡില് മര്ദ്ദിച്ച് പോലീസ് ഉദ്യോഗസ്ഥന്. ഇടുക്കി വണ്ണപ്പുറത്താണ് സംഭവം. വാഹനം തട്ടിയതുമായി ബന്ധപ്പെട്ട തര്ക്കത്തിനിടയിലാണ് സ്ത്രീക്ക് പോലീസുകാരന്റെ മര്ദ്ദനമേറ്റത്. ഐ ആര് ബറ്റാലിയന് പോലീസ് ഉദ്യോഗസ്ഥനായ അമല് രാജാണ് മര്ദ്ദിച്ചത്.
മര്ദ്ദനമേറ്റ് സ്ത്രീ നടുറോഡില് വീണു. ഇവര്ക്കൊപ്പമുണ്ടായിരുന്ന യുവാവിനും മര്ദ്ദനമേറ്റു. അമല്രാജിനെതിരെ കാളിയാര് പോലീസ് കേസ് എടുത്തു. കൊവിഡ് കാലത്തെ പോലീസ് നടപടികള്ക്ക് മേല് ജനം പൊറുതി മുട്ടിയിരിക്കുന്ന സമയത്താണ് പൊതു സ്ഥലത്ത് സ്ത്രീക്ക് നേരെ പോലീസുകാരന് അതിക്രമം അഴിച്ചുവിടുന്നത്. മര്ദ്ദിക്കുന്നതിന്റെ വീഡിയോ ദൃശ്യം സമൂഹമാധ്യമങ്ങളില് പ്രചരിക്കുന്നുണ്ട്.
