കണ്ണൂര് : മട്ടന്നൂരില് പോപ്പുലര് ഫ്രണ്ട് നേതാക്കളുടെ വീടുകളിലും വ്യാപാരസ്ഥാപനങ്ങളിലും ഇന്നും പോലീസിന്റെ റെയ്ഡ്. നടുവിനാട്, പാലോട്ടുപള്ളി മേഖലകളിലാണ് കൂത്തുപറമ്പ് ഡിവൈ.എസ്.പി.യുടെ നേതൃത്വത്തില്ലാണ് റെയ്ഡ് നടക്കുന്നത്. വെള്ളിയാഴ്ച നടന്ന ഹര്ത്താലിനിടെയുണ്ടായ അക്രമസംഭവങ്ങളുമായി ബന്ധപ്പെട്ടാണ് പോപ്പുലര് ഫ്രണ്ടിന്റെ ശക്തികേന്ദ്രങ്ങളില് പോലീസ് പരിശോധന നടത്തുന്നത്.
മട്ടന്നൂര്, പാലോട്ടുപള്ളി, നടുവനാട്, ഉളിയില് എന്നിവിടങ്ങളിലായി നാല് വ്യാപാരസ്ഥാപനങ്ങളില് ഞായറാഴ്ച പരിശോധന നടത്തിയിരുന്നു. പോപ്പുലര് ഫ്രണ്ട് നേതാക്കളുടെ ഉടമസ്ഥതയിലുള്ളതും പ്രവര്ത്തകര് ജോലി ചെയ്യുന്നതുമായ സ്ഥാപനങ്ങളിലുമാണ് പോലീസ് സംഘം എത്തിയത്. എന്നാല് മട്ടന്നൂരില് നടത്തിയ റെയ്ഡില് ഒന്നും പിടിച്ചെടുത്തിരുന്നില്ല. ഹര്ത്താല് അക്രമത്തില് മട്ടന്നൂര് പോലീസ് സ്റ്റേഷന് പരിധിയില് എട്ട് കേസുകളാണെടുത്തത്. ഇതില് 10 പ്രതികള് റിമാന്ഡിലാണ്. മറ്റ് പ്രതികള് ഒളിവിലുമാണ്.
